Isiniwalat ni Vice President Sara Duterte na may iniwang malinaw na huling habilin si dating Pangulong Rodrigo “Digong” Duterte kung sakaling bawian siya ng buhay habang nasa ibang bansa.
Sa panayam, ibinahagi ni VP Sara na hiniling ng kanyang ama na kung saan siya mamatay, doon na rin siya dapat i-cremate, at kung sakaling mangyari ito sa labas ng bansa, gaya ng The Netherlands, ay huwag na raw pauwiin ang kanyang labi sa Pilipinas.
“Kung saan ako mamatay, doon ako i-cremate. Huwag n’yo na akong iuwi,” ani Duterte, ayon sa kwento ng kanyang anak.
Ang rebelasyong ito ay nag-ugat sa gitna ng mga pangamba sa lumalalang kalusugan ng dating pangulo.
Sa parehong panayam, kinumpirma rin ng dating asawa ni Duterte na si Elizabeth Zimmerman ang kapansin-pansing pagbabago sa kalagayan ng dating pangulo. Ayon sa kanya, halos buto’t balat na umano si Duterte sa sobrang kapayatan.
“Payat na payat na siya. Halos buto’t balat na. Pero okay naman daw siya,” pahayag ni Zimmerman sa isang panayam.
Dahil dito, lalong lumakas ang espekulasyon ng publiko hinggil sa tunay na kalagayan ng kalusugan ng dating pangulo, na matagal nang iniugnay sa iba’t ibang sakit ngunit hindi pa rin direktang kinukumpirma ng kampo nito.
Bagamat wala pang opisyal na pahayag ang pamilya hinggil sa medical condition ni Duterte, siniguro ni VP Sara na maayos pa rin ang lagay ng kanyang ama at patuloy itong ginagamot at inaalagaan.
Matatandaang matapos bumaba sa puwesto noong 2022, pinili ng dating pangulo na mamuhay ng tahimik sa Davao City. Gayunpaman, patuloy pa rin itong nagbibigay ng mga opinyon ukol sa mga isyung pambansa sa pamamagitan ng media at personal na pakikipagpulong sa mga kaibigan at kaalyado sa pulitika.
Be First to Comment