Diretsahang sinagot ng Kapamilya actress na si Julia Barretto ang tanong ng press kung isa ba siyang “nepo baby” o anak ng sikat na personalidad na nakinabang sa koneksiyon ng pamilya para makapasok sa showbiz.
Sa isang panayam, hindi nag-atubiling magpatawa at magpaliwanag si Julia nang tanungin siya, “Do you consider yourself a nepo baby?” Sagot niya, “Yeah, in what sense though? Kasi parang may dalawang meaning na siya eh.”
Nang linawin muli ng mga reporter ang tanong, buong tapang na sagot ng aktres: “Well, anak lang ako ni Marjorie, but I work hard for what I have. Period.” Pinunto ni Julia na bagama’t anak siya ni dating aktres at konsehal na si Marjorie Barretto, pinaghirapan niya ang mga narating sa kanyang karera.
Si Julia ay kabilang sa kilalang Barretto clan sa industriya ng showbiz, kung saan naroroon din ang mga tita niyang sina Claudine at Gretchen Barretto. Ngunit ayon sa kanya, higit pa sa pangalan ang naging susi sa kanyang pananatili at tagumpay sa mundo ng aliwan.
Ang kanyang tapat at maikling tugon ay umani ng papuri mula sa publiko, na nakakita ng balanse sa pagitan ng pag-amin sa kanyang pinagmulan at sa paggiit ng kanyang sariling pagsusumikap.
Be First to Comment