Ibinunyag sa isang panayam ni broadcast journalist Julius Babao sa kanyang YouTube channel bago ang 2025 elections ang kakaibang pagbili ni Sarah Discaya ng isang mamahaling Rolls Royce na nagkakahalaga ng humigit-kumulang ₱18 milyon.
Ayon kay Babao, ikinuwento ng mga Discaya na ang naging dahilan ng pagbili ni Sarah ng naturang luxury car ay dahil lamang sa kanyang pagkagusto sa payong na kasama nito. Ngunit sa kabila nito, hindi rin naman daw niya ginagamit ang nasabing payong dahil sa sobrang mahal ng halaga nito.
Naging tampok ang rebelasyong ito sa panayam kung saan ipinakita ng pamilya Discaya ang kanilang marangyang pamumuhay at kagustuhan sa mga bagay na simbolo ng karangyaan. Para kay Sarah, ang pagbili ng Rolls Royce ay hindi lamang isang simpleng luho, kundi bahagi rin ng kanilang imaheng ipinapakita sa publiko bago sumabak sa halalan.
Bagama’t hindi ginagamit ang payong, nanatili itong mahalagang piraso para kay Sarah na nag-udyok sa kanya upang bilhin ang sasakyan. Ang ganitong klase ng pagbili ay nagdulot ng sari-saring reaksyon mula sa publiko, lalo’t iniuugnay ito sa mga isyu ng yaman at pamumuhay ng mga Discaya.
Be First to Comment