Mariing pinabulaanan ni Cathy Babao, anak ng beteranang aktres na si Caridad Sanchez, ang mga kumakalat na maling ulat at umano’y panayam na nagpapalabas ng impormasyon hinggil sa kalagayan ng kanyang ina. Ayon kay Cathy, wala siyang ibinigay na kahit anong interview kaugnay nito.
“Five people have reached out to let me know about a post currently circulating about my mom, making it appear as though I have been interviewed. For clarity: I have NOT given any interviews,” saad ni Cathy sa isang pahayag sa kanyang social media account.
Binigyang-diin ni Cathy na anumang kuwento o pahayag na hindi nagmula sa kanya o sa kanyang opisyal na social media account ay pawang gawa-gawa at hindi dapat paniwalaan.
“Any story or statement about my mom that DOES NOT come directly from me or my official social media account should be considered false or misleading. These narratives are not only inaccurate—they are deeply hurtful,” dagdag niya.
Hinimok rin ni Cathy ang publiko na huwag nang palaganapin pa ang maling impormasyon at igalang ang kanilang katotohanan. “Please help stop the spread of fake news, and thank you for respecting our truth,” aniya.
Si Caridad Sanchez ay isa sa mga respetadong aktres sa industriya ng pelikula at telebisyon, kaya’t natural lamang na maraming netizens ang interesado sa kanyang kalagayan. Gayunpaman, pinaalalahanan ni Cathy ang lahat na maging mapanuri at huwag agad maniwala sa mga impormasyong hindi beripikado.
Be First to Comment