Ibinahagi ng aktor na si Gio Alvarez ang kanyang taos-pusong pamamaalam sa yumaong dating matinee idol na si Red Sternberg, na pumanaw kamakailan sa edad na 51. Sa pamamagitan ng isang emosyonal na post sa Instagram, inalala ni Gio ang kanilang nakakatawang pagkakatulad at ang makabuluhang mga pag-uusap na naging bahagi ng kanyang personal na paglalakbay.
“I remember, people used to get confused with the two of us. I also remember the first time we met and talked about it and both laughed at it,” ani Gio, na madalas mapagkamalang si Red noong kasagsagan ng kanilang kasikatan.
Dagdag pa niya, ang huli nilang pag-uusap ay noong nakaraang taon kung saan nagkumustahan sila tungkol sa kanilang mga buhay, pamilya, at mga natutunan sa pagdaan ng panahon.
“It was about how our lives have changed since then… how our families have grown… And how we perceived life now. Those kinds of talks have become the foundation of my life goals. Thank you for taking part in it,” saad ni Gio.
Sa pagtatapos ng kanyang mensahe, ibinahagi ni Gio ang kanyang dasal para sa kapayapaan ng kaibigang si Red:
“Peace be your journey, my brother. Until the next time we see each other.”
Ang pagpanaw ni Red Sternberg ay nagdulot ng matinding lungkot sa mga kasamahan niya sa showbiz at mga tagahanga. Isa siya sa mga kinagigiliwang matinee idol noong dekada ’90, at bagamat lumisan sa mundo ng showbiz, ay naiwan niya ang alaala ng isang tunay na kaibigan at mapagmahal na ama.
Be First to Comment